Alveg er mér sama

Mér er sama þó þetta sé gert nokkrum sinnum í viku  Auk  þess að þetta er alltaf gert í myrkvinu á veturnar og þeir sleppa mjög miklum reyk út. Þetta er bara svona og ég meina það er fólk að vinna þarna.  Mér er alveg sama þó að það sé enginn sem á ekki hagsmuna að gæta sem vinnur við að fylgja því eftir hvort útblástur sé innan marka eða ekki. Mér er alveg sama þó Járnblendið sendi mann í fréttirnar oft á ári og segi þetta er bara svona, mannleg mistök að þetta gerist. Og mér er alveg sama þó ég viti að þær tölur sem eru birtar um útblástur mengunar frá verksmiðjunum sé fengnar þegar búið er að "kæla"  mengunina um tíma.

Reykur frá járnblendiverksmiðjunni Grundartanga

Athugasemdir

[Bjarki (IP-tala skráð) 22.7.2007 kl. 19:29]

Fínt að vita að ég er ekki sá eini sem hef tekið eftir þessu munstri hjá þeim að hleypa reyk í gífurlegu magni út á næturnar. Bjó ekki all langt frá verkmiðunni og ég verð að segja það að maður veit ekki hvort maður á að hlæja eða gráta þegar þetta kemur í fréttirnar öðru hvoru eins og þetta skeði sárasjaldan og að þetta sé "smá slys" eins og þeir orða þetta í öll skiptin. Held að fréttamenn ættu að fara að tala við fólkið á svæðinu og heyra hvað það segir um þetta.

Að mínu mati ætti fyrir löngu búið að vera að gera eitthvað í þessu hvernig járnblendiverksmiðjuna fær að leika lausum hala í mengunarmálum, en viðbrögð yfirvalda við öllu þessu hafa valdið því að ég ber ekkert traust til að þeir passi hagsmuna fólksins sem býr í kring.

[Iris (IP-tala skráð) 22.7.2007 kl. 19:54]

Ætlaði að fara að hella mér yfir þig þar sem ég hélt þú værir einhver sjálfselskur hálfviti en las síðan færsluna og gat ekki annað en hrósað þér fyrir hana eftir á! Þetta er eins og skrifað úr mínum huga! Hjartanlega sammála þér. Þetta eru alveg óþolandi og ógeðslegar starfsaðferðir sem þeir hafa þarna. Maður sér þetta einmitt einsog þú segir í myrkri og á veturnar (dulbúið sem gufu).